Nokturnal tagalog blues

hindi ako makatha alam ko nman yun,
pero sa palagay mo ba lahat ba ng tao e may kakayahang sumulat ng mga tulad nito?



Pila


ang isang mahabang pila..
nagsimula sa isa
na sinundan hanggang maging linya,
at unti-unting naging sawa

ngalay na ang binti sa pagkakatayo
isang oras na ang nakalipas
hindi pa rin masyadong nakakalayo
isang pulgada lang ang nailagpas

sa bawat hakbang na napapalapit
noo't braso kapwa namamawis
"ilang saglit na lang" ito ang sambit
sobra ang init kaya't panyo'y ikiniskis

batid na ang kapaguran sa init ng hapon
pinagdadasal na makarating sa dako paroon
ngunit binigyan ka ng isang masakit na alaala
pagdating sa dulo mayroon ulit isang pila.


*wala talagang magandang nangyari ngayong araw na to,
halaos buong araw akong nakatayo at nakapila..
tara pila ka na rin malay mo makasingit ka pa.