saan ka nga ba patungo?
naliligaw na namang puso
parating balik parito
di talaga magkandatuto
para bang nakatingin lang sa harapan
wala ng napapansin sa tagiliran
para makaiwas sa takot na maihalintulad
sinasadyang dahan dahang umusad
sa mga salitang inipon sa isipan
na sa hangin naman binibitawan
pilit mang tinatago at iniingatan
sa tamang oras ito'y pakakawalan
kadalasa'y "sana" ang laging hiling
para maalis ang alin mang nakatabing
maghihintay sa araw ng iyong pagdating
hahamakin ang lahat para ika'y makapiling
ibibigay ang lahat at magpaparaya
kung tanging kapalit nito'y paglaya
ng pusong matagal ng nakagapos
sa kalungkutang hindi matapos-tapos
0 comments:
Post a Comment